ಬಗ್ವಾಡಿ ಶ್ರೀ ಮಹಿಷಾಸುರಮರ್ದಿನಿ ದೇವಸ್ಥಾನದ ಧ್ವಜಸ್ತಂಭಕ್ಕೆ ತಾಮ್ರ ಮತ್ತು ಹಿತ್ತಾಳೆ ಹೊದಿಕೆ

ಕುಂದಾಪುರ: ಬಗ್ವಾಡಿ ಶ್ರೀ ಮಹಿಷಾಸುರಮರ್ದಿನಿ ದೇವಸ್ಥಾನದ ಶಿಲಾ ಧ್ವಜಸ್ತಂಭಕ್ಕೆ ತಾಮ್ರ ಮತ್ತು ಪೀಠಕ್ಕೆ ಹಿತ್ತಾಳೆ ಹೊದಿಕೆ ಮಾಡಲಾಗಿದೆ. ಏಪ್ರಿಲ್ 1ರಿಂದ 4 -2025ರ ವರೆಗೆ ನಡೆದ ವರ್ಧಂತಿ ಉತ್ಸವದ ಸಂದರ್ಭದಲ್ಲಿ ಪುನರ್ ಪ್ರತಿಷ್ಠೆಯೊಂದಿಗೆ ಲೋಕಾರ್ಪಣೆ ಗೊಳಿಸಲಾಯಿತು.

ಇದರೊಂದಿಗೆ ಗೋಪುರದ ಮುಂಭಾಗದಲ್ಲಿ ನೂತನ ನಾಮಫಲಕವನ್ನು ಅಳವಡಿಸಲಾಯಿತು. ಮೊಗವೀರ ಯುವ ಸಂಘಟನೆ (ರಿ) ಉಡುಪಿ ಜಿಲ್ಲೆ. ಕುಂದಾಪುರ ಘಟಕದ ಮನವಿಗೆ ಸ್ಪಂದಿಸಿ ಸುಮಾರು 6,00,000 ರೂಪಾಯಿ ಸಂಗ್ರಹಕ್ಕೆ ಧನಸಹಾಯ ನೀಡಿ ಸಹಕರಿಸಿದ ಭಕ್ತಾದಿಗಳ ಸಹಕಾರವನ್ನು ಸ್ಮರಿಸಲಾಯಿತು.

ಈ ಬಾರಿಯ ಬ್ರಹ್ಮರಥೋತ್ಸವಕ್ಕೆ ಧ್ವಜಸ್ತಂಭ ತಾಮ್ರ ಮತ್ತು ಹಿತ್ತಾಳೆ ಹೊದಿಕೆಯೊಂದಿಗೆ ರಾರಾಜಿಸುತ್ತಿದೆ.