ಹರವರಿ: ವಿವಿಧ ಸಾಧಕರಿಗೆ ಸನ್ಮಾನ

ಕುಂದಾಪುರ: ವಂಡ್ಸೆ ಹರವರಿಯ ಶ್ರೀನಿವಾಸ ನಿವಾಸದಲ್ಲಿ ಕಾಳಪ್ಪ ಗಾಣಿಗ ಅವರ ಸೇವೆಯಾಗಿ ಇತ್ತೀಚೆಗೆ ನಡೆದ ಹಾಲಾಡಿ ಮೇಳದ ಯಕ್ಷಗಾನ ಬಯಲಾಟದ ಸಂದರ್ಭದಲ್ಲಿ ವಿವಿಧ ಕ್ಷೇತ್ರದ ಸಾಧಕರನ್ನು ಸನ್ಮಾನಿಸಲಾಯಿತು.

ಭಾಗವತರಾದ ಜನ್ಸಾಲೆ ರಾಘವೇಂದ್ರ ಆಚಾರ್ಯ, ಕಲಾವಿದ ಚಂದ್ರಗೌಡ ಗೋಳಿಕೆರೆ, ವಿಶ್ವನಾಥ ಆಚಾರ್ಯ ತೊಂಬಟ್ಟು, ಶಂಕರ ನಾಯ್ಕ ಉಳ್ಳೂರು, ವಿಜಯ ಗಾಣಿಗ ಬೀಜಮಕ್ಕಿ, ನಾಗರಾಜ ದೇವಾಡಿಗ ಆಲೂರು ಹಾಗೂ ಪ್ರಗತಿಪರ ಕೃಷಿಕ ಗುಂಡು ಪೂಜಾರಿ ಹರವರಿ, ಸಮಾಜಸೇವಕ ರವೀಂದ್ರ ಶೆಟ್ಟಿ, ಕಲಾವಿದ ಅಣ್ಣಪ್ಪ ಗಾಣಿಗ ಬೀಜಮಕ್ಕಿ ಅವರನ್ನು ಸನ್ಮಾನಿಸಲಾಯಿತು.

ಈ ಸಂದರ್ಭದಲ್ಲಿ ವಿಜಯ ಬ್ಯಾಂಕ್ ನಿವೃತ್ತ ಸಿನೀಯರ್ ಮೆನೇಜರ್ ಹರವರಿ ವಾಟೆಮನೆ ಪ್ರಭಾಕರ ಶೆಟ್ಟಿ, ಕೊಲ್ಲೂರು ಮೂಕಾಂಬಿಕಾ ದೇವಳದ ವ್ಯವಸ್ಥಾಪನಾ ಸಮಿತಿ ಮಾಜಿ ಸದಸ್ಯ ಡಾ.ಅತುಲ್ ಕುಮಾರ್ ಶೆಟ್ಟಿ, ತಾ.ಪಂ.ಮಾಜಿ ಸದಸ್ಯ ಉದಯ ಜಿ.ಪೂಜಾರಿ, ಸಂಜೀವ ಮಡಿವಾಳ ಗುಂಡ್ಮಿ, ಕಾಳಪ್ಪ ಗಾಣಿಗ ಕುಟುಂಬಿಕರು ಉಪಸ್ಥಿತರಿದ್ದರು.

ಶಿಕ್ಷಕರಾದ ರವಿರಾಜ ಶೆಟ್ಟಿ ಚಿತ್ತೂರು ಹಾಗೂ ಉದಯಕುಮಾರ ಶೆಟ್ಟಿ ಚಿತ್ತೂರು ಸನ್ಮಾನ ಪತ್ರ ವಾಚಿಸಿದರು.ರಾಘವೇಂದ್ರ ಗಾಣಿಗ ಹರವರಿ ಕಾರ್ಯಕ್ರಮ ನಿರ್ವಹಿಸಿದರು.