ಕೇಂದ್ರ ಬಜೆಟ್‌ ಅಧಿವೇಶನ : ʼವಿದೇಶಿ ಚಿಂಗಾರಿ’ ಇಲ್ಲದ ಮೊದಲ ಸಂಸತ್‌ ಅಧಿವೇಶನ : ವಿಪಕ್ಷಗಳಿಗೆ ಮೋದಿ ಟಾಂಗ್‌

ಜನಪ್ರತಿನಿಧಿ (ನವದೆಹಲಿ) : ಸಂಸತ್ತಿನ ಬಜೆಟ್ ಅಧಿವೇಶನಕ್ಕೆ ಮುಂಚಿತವಾಗಿ ಇಂದು(ಶುಕ್ರವಾರ) ವಿಪಕ್ಷಗಳ ವಿರುದ್ಧ ವಾಗ್ದಾಳಿ ನಡೆಸಿದ ಪ್ರಧಾನಿ ನರೇಂದ್ರ ಮೋದಿ ಅವರು, ವಿದೇಶಿ ಹಸ್ತಕ್ಷೇಪವಿಲ್ಲದ ಮೊದಲ ಸಂಸತ್ ಅಧಿವೇಶನ ಇದಾಗಿದೆ ಎಂದು ಹೇಳಿದರು.

‘ಇಂದು ಬಜೆಟ್ ಅಧಿವೇಶನದ ಆರಂಭದಲ್ಲಿ, ನಾನು ಸಮೃದ್ಧಿಯ ದೇವತೆ ಮಾ ಲಕ್ಷ್ಮಿಯ ಮುಂದೆ ನಮಸ್ಕರಿಸುತ್ತೇನೆ. ದೇಶದ ಬಡ ಮತ್ತು ಮಧ್ಯಮ ವರ್ಗದ ಜನರನ್ನು ಆಶೀರ್ವದಿಸಲಿ ಎಂದು ಮಾ ಲಕ್ಷ್ಮಿಯನ್ನು ಪ್ರಾರ್ಥಿಸುತ್ತೇನೆ’, ಎಂದವರು ಹೇಳಿದರು.

ಈ ಬಜೆಟ್ ಅಧಿವೇಶನ ನಮ್ಮ ಗುರಿಯಾದ ‘ವಿಕಸಿತ ಭಾರತ’ವನ್ನು ಸಾಧಿಸುವಲ್ಲಿ ಹೊಸ ಆತ್ಮವಿಶ್ವಾಸ ಮತ್ತು ಶಕ್ತಿಯನ್ನು ತುಂಬುತ್ತದೆ ಎಂದು ನಾನು ವಿಶ್ವಾಸದಿಂದ ಹೇಳಬಲ್ಲೆ” ನಾವೀನ್ಯತೆ, ಸೇರ್ಪಡೆ ಮತ್ತು ಹೂಡಿಕೆಯು ಆರ್ಥಿಕ ಚಟುವಟಿಕೆಗಳಿಗೆ ನಮ್ಮ ಮಾರ್ಗಸೂಚಿಯ ಆಧಾರವಾಗಿದೆ ಎಂದು ಹೇಳಿದರು.

ಬಜೆಟ್​ನಿಂದ ಹೊಸ ನಂಬಿಕೆ, ಶಕ್ತಿ

ದೇಶದ ಜನರು ನನಗೆ ಮೂರನೇ ಬಾರಿಗೆ ಈ ಜವಾಬ್ದಾರಿಯನ್ನು ನೀಡಿದ್ದಾರೆ ಮತ್ತು ಇದು ನನ್ನ ಮೂರನೇ ಅವಧಿಯ ಮೊದಲ ಪೂರ್ಣ ಬಜೆಟ್ ಆಗಿದೆ. 2047ರಲ್ಲಿ ಭಾರತವು ಸ್ವಾತಂತ್ರ್ಯದ 100ನೇ ವರ್ಷವನ್ನು ಆಚರಿಸುತ್ತಿರುವಾಗ, ಈ ಬಜೆಟ್ ಹೊಸ ನಂಬಿಕೆ ಮತ್ತು ಹೊಸ ಶಕ್ತಿಯನ್ನು ನೀಡುತ್ತದೆ ಎಂದು ನಾನು ಪೂರ್ಣ ನಂಬಿಕೆಯಿಂದ ಹೇಳಬಲ್ಲೆ, ಅದು ಸ್ವಾತಂತ್ರ್ಯದ 100 ವರ್ಷಗಳನ್ನು ಆಚರಿಸುವಾಗ ದೇಶ ‘ವಿಕಸಿತ’ ಆಗಲಿದೆ. ಅಲ್ಲದೆ “ನೂರಾ ನಲವತ್ತು ಕೋಟಿ ಭಾರತೀಯರು ತಮ್ಮ ಸಾಮೂಹಿಕ ಪ್ರಯತ್ನಗಳ ಮೂಲಕ ಈ ನಿರ್ಣಯವನ್ನು ಪೂರೈಸುತ್ತಾರೆ” ಎಂದು ಅವರು ಹೇಳಿದರು.

‘ವಿದೇಶಿ ಶಕ್ತಿಗಳು ಬೆಂಕಿ ಹಚ್ಚಲು ಪ್ರಯತ್ನಿಸಲಿಲ್ಲ‘

‘ನೀವು ಗಮನಿಸಿರಬೇಕು, 2014 ರಿಂದ, ಇದು ಮೊದಲ ಸಂಸತ್ ಅಧಿವೇಶನವಾಗಿದ್ದು, ನಮ್ಮ ವ್ಯವಹಾರಗಳಲ್ಲಿ ಯಾವುದೇ ‘ವಿದೇಶಿ ಚಿಂಗಾರಿ’ (ವಿದೇಶಿ ಹಸ್ತಕ್ಷೇಪ) ಕಂಡಿಲ್ಲ, ಇದರಲ್ಲಿ ಯಾವುದೇ ವಿದೇಶಿ ಶಕ್ತಿಗಳು ಬೆಂಕಿ ಹಚ್ಚಲು ಪ್ರಯತ್ನಿಸಲಿಲ್ಲ’ ಎಂದು ಪಿಎಂ ಮೋದಿ ಹೇಳಿದರು. ‘ನಮ್ಮದು ಯುವ ರಾಷ್ಟ್ರ, ಇಂದು, 20-25 ವರ್ಷ ವಯಸ್ಸಿನವರು ‘ವಿಕಸಿತ ಭಾರತ’ದ ಹೆಚ್ಚಿನ ಫಲಾನುಭವಿಗಳಾಗುತ್ತಾರೆ. 50 ವರ್ಷ ವಯಸ್ಸಾಗುವ ಹೊತ್ತಿಗೆ ಅವರು ನೀತಿ ನಿರೂಪಣೆಯ ಚುಕ್ಕಾಣಿ ಹಿಡಿಯುತ್ತಾರೆ. ‘ವಿಕಸಿತ ಭಾರತ’ದ ನಮ್ಮ ದೃಷ್ಟಿಯನ್ನು ಈಡೇರಿಸುವ ಪ್ರಯತ್ನಗಳು ನಮ್ಮ ಯುವ ಪೀಳಿಗೆಗೆ ಒಂದು ದೊಡ್ಡ ಕೊಡುಗೆಯಾಗಿದೆ, ಎಂದು ಅವರು ಹೇಳಿದರು.