ಮತ್ಸ್ಯಕ್ಷಾಮ ನಿವಾರಣೆಗಾಗಿ ಮರವಂತೆಯಲ್ಲಿ ಅಬಾರಿ ಸೇವೆ

ಜನಪ್ರತಿನಿಧಿ ವಾರ್ತೆ] ಮರವಂತೆ: ಮರವಂತೆ ಶ್ರೀ ರಾಮ ಮಂದಿರ ಮೀನುಗಾರರ ಸೇವಾ ಸಮಿತಿ ವತಿಯಿಂದ ಮಹಾರಾಜ ಸ್ವಾಮಿ ಶ್ರೀ ವರಾಹ ದೇವಸ್ಥಾನದಲ್ಲಿ ಅಭಾರಿ ಸೇವೆ ಕಾರ್ಯಕ್ರಮವು ಶುಕ್ರವಾರದಂದು ವೇದಮೂರ್ತಿ ನರಸಿಂಹ ಅಡಿಗ ಅವರ ನೇತೃತ್ವದಲ್ಲಿ ಧಾರ್ಮಿಕ ವಿಧಿ ವಿಧಾನ ಕಾರ್ಯಕ್ರಮಗಳು ನಡೆಯಿತು. ಮತ್ಸ್ಯಕ್ಷಾಮ ನಿವಾರಣೆಗಾಗಿ ಮೀನುಗಾರರ ಶ್ರೇಯೋಭಿವೃದ್ದಿಗಾಗಿ, ಒಳಿತಿಗಾಗಿ ಈ ಸೇವೆಯು ನಡೆಯಿತು.

ಬೆಳಿಗ್ಗೆ 8 ಗಂಟೆಗೆ ವರಾಹ, ವಿಷ್ಣು ನರಸಿಂಹ ಸನ್ನಿಧಿಯಲ್ಲಿ ಚಂಡಿಕಾ ಹೋಮ, ವಿಷ್ಣು ಸೂಕ್ತ ಹೋಮ, ಕಲಸಭೀಷೇಕ ಮಹಾಪೂಜೆ ಹಾಗೂ ಗಂಗಾದರೇಶ್ವರ ಸನ್ನಿಧಿಯಲ್ಲಿ ಶತರುದ್ರಾಭೀಷೇಕ ಮಹಾಪೂಜೆ ಉತ್ಸವಗಳು ಜರುಗಿತು. ಮಧ್ಯಾಹ್ನ ಮಹಾ ಅನ್ನ ಸಂತರ್ಪಣೆ ನಡೆಯಿತು.

ಈ ಸಂದರ್ಭದಲ್ಲಿ ಮೀನುಗಾರರ ಸೇವಾ ಸಮಿತಿಯವರು, ಭಕ್ತಾಧಿಗಳು ಮತ್ತು ದೇವಳದವರು ಉಪಸ್ಥಿತರಿದ್ದರು.