ಶಿಕ್ಷಕಿ ಮರಿಯ ಕ್ರಾಸ್ತ ನಿಧನ

ಕುಂದಾಪುರ: ಮಾಗ್ಗಿ ಟೀಚರ್ ಎಂದೇ ಖ್ಯಾತರಾಗಿದ್ದ ಪ್ರಾಥಮಿಕ ಶಾಲೆಯ ಶಿಕ್ಷಕಿ ಮರಿಯ ಕ್ರಾಸ್ತ (80ವ) ಅಲ್ಪಕಾಲದ ಅಸೌಖ್ಯದಿಂದ ಡಿಸೆಂಬರ್ 11 ರಂದು ನಿಧನ ಹೊಂದಿದರು.

ಅವರು ಹೇರಿಕುದ್ರುವಿನ ಭಾಗವಾದ ಕಮಾಸ್ತಾನ ಕುದ್ರುವಿನ ದಿ.ಎಡ್ವಿನ್ ಡಿ‌ಆಲ್ಮೇಡಾ ಅವರ ಪತ್ನಿ. ಅವರು ಹೊಸಾಡು, ತಲ್ಲೂರು, ಹೆಮ್ಮಾಡಿ, ಹಟ್ಟಿಯಂಗಡಿ ಮತ್ತು ಉಪ್ಪಿನಕುದ್ರುವಿನಲ್ಲಿ ಸುದೀರ್ಘ 24 ವರ್ಷ ಸೇವೆ ಮಾಡಿದ್ದರು. ಅವರು ಶಿಕ್ಷಕಿಯಾಗಿ, 36 ವರ್ಷಕ್ಕಿಂತಲು ಹೆಚ್ಚು ವರ್ಷ ಸೇವೆ ಸಲ್ಲಿಸಿದ್ದರು. ಕುಂದಾಪುರ ಹೋಲಿ ರೋಜರಿ ಇಗರ್ಜಿಯ ವ್ಯಾಪ್ತಿಗೆ ಒಳಪಟ್ಟ ಸಂತ ಅಂತೋನಿ ವಾಳಗೆ ಎರಡು ಅವಧಿಗೆ (10 ವರ್ಷ) ಗುರಿಕಾರರಾಗಿ ಸೇವೆ ನೀಡಿದ್ದು, ಸಂತ ವಿನ್ಸೆಂಟ್ ಸಭೆಯಲ್ಲಿ ಹಲವು ವರ್ಷ ಸೇವೆ ಸಲ್ಲಿಸಿದ್ದರು. ಮೃತರು ಇಬ್ಬರು ಪುತ್ರರು, ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ.