ಉಪನ್ಯಾಸಕಿ ಅನಿತಾ ಪುರಾಣಿಕ್‌ಗೆ ಪಿ‌ಎಚ್‌ಡಿ ಪದವಿ

ಬೈಂದೂರು: (ಜನಪ್ರತಿನಿಧಿ ವಾರ್ತೆ) ಬೈಂದೂರು ಬಾಡ ಮೂಲದ ಅನಿತಾ ಪುರಾಣಿಕ್ ಅವರಿಗೆ ಧಾರವಾಡದ ಕರ್ನಾಟಕ ವಿಶ್ವವಿದ್ಯಾಲಯವು ಪಿ‌ಎಚ್‌ಡಿ ಪದವಿ ನೀಡಿದೆ. ಅವರು ಸಂಶೋಧನೆ ನಡೆಸಿ ಮಂಡಿಸಿದ ಫಾರ್‍ಮಕೋಗ್ನಸಿ ಎಂಡ್ ಎನ್ಹಾನ್ಸ್‌ಮೆಂಟ್ ಆಫ್ ಫೈಟೋಡ್ರಗ್ ಎಫಿಕಸಿ ಬೈ ಮೆಟಲಿಕ್ ನ್ಯಾನೋ ಫಾರ್ಟಿಕಲ್ಸ್ ಸಿಂಥಸೈಸ್ಡ್ ಯೂಸಿಂಗ್ ಸೆಲೆಕ್ಟಡ್ ಮೆಡಿಸಿನಲ್ ಪ್ಲಾಂಟ್ಸ್ ಪ್ರೌಢಪ್ರಬಂಧವು ಈ ಪದವಿಗೆ ಅರ್ಹತೆ ಪಡೆದಿದೆ. ಧಾರವಾಡದ ಜೆ.ಎಸ್.ಎಸ್ ಬನಶಂಕರಿ ಕಲಾ, ವಾಣಿಜ್ಯ ಮತ್ತು ಶಾಂತಿಕುಮಾರ ಗುಬ್ಬಿ ವಿಜ್ಞಾನ ಮಹಾ ವಿದ್ಯಾಲಯದ ಜೈವಿಕ ತಂತ್ರಜ್ಞಾನ ವಿಭಾಗದ ಉಪನ್ಯಾಸಕಿಯಾಗಿರುವ ಇವರು ಕ.ವಿ.ವಿ ಸಸ್ಯಶಾಸ್ತ್ರ ವಿಭಾಗದ ನಿವೃತ್ತ ಪ್ರಾಧ್ಯಾಪಕ ಹಾಗೂ ಪ್ರಸ್ತುತ ಹಾಸನ ವಿಶ್ವವಿದ್ಯಾಲಯದ ಕುಲಪತಿಗಳಾಗಿರುವ ಡಾ. ಟಿ. ಸಿ. ತಾರಾನಾಥ ಅವರ ಮಾರ್ಗದರ್ಶನದಲ್ಲಿ ಸಂಶೋಧನೆ ನಡೆಸಿದ್ದರು.

ಅನಿತಾ ಪುರಾಣಿಕ್ ಬೈಂದೂರು ರತ್ತುಬಾಯಿ ಜನತಾ ಪ್ರೌಢಶಾಲೆಯ ರಾಜ್ಯ ಪ್ರಶಸ್ತಿ ಪುರಸ್ಕೃತ ಮುಖ್ಯೋಪಾಧ್ಯಾಯ ದಿ. ಬಿ. ಸದಾಶಿವ ಭಟ್-ಬಿ. ಜಯದೇವಿ ದಂಪತಿಯ ಪುತ್ರಿ ಹಾಗೂ ಕುಂದಾಪುರ ಕಾಳಾವರದ ಡಾ. ನಾಗರಾಜ ಶ್ರೀನಿವಾಸ ಪುರಾಣಿಕ್ ಅವರ ಪತ್ನಿ.