94ಸಿ ಸಮಸ್ಯೆ ಇತ್ಯಾರ್ಥಕ್ಕಾಗಿ ಜನಸಂಪರ್ಕ ಸಭೆ ನಡೆಸುವಂತೆ ಅಧಿಕಾರಿಗಳಿಗೆ ಶಾಸಕ ಗಂಟಿಹೊಳೆ ಸೂಚನೆ

ಕುಂದಾಪುರ: ಇಲ್ಲಿನ ತಾಲೂಕು ಕಚೇರಿಯಲ್ಲಿ ಬೈಂದೂರು ಕ್ಷೇತ್ರದ 94ಸಿ, ಗೋಮಾಳ, ಕುಡಿಯುವ ನೀರು ಮತ್ತು ಬರ ನಿರ್ವಹಣೆ ಸಮಸ್ಯೆಗಳ ಕುರಿತು ಕಂದಾಯ ಹಾಗೂ ಸರ್ವೇ‌ಇಲಾಖೆ ಅಧಿಕಾರಿಗಳ ಜೊತೆ ಬೈಂದೂರು ಶಾಸಕ ಗುರುರಾಜ್ ಗಂಟಿಹೊಳೆ ಸಭೆ ನಡೆಸಿದರು.

ಗೋಮಾಳ ಜಾಗದ ಸರ್ವೆ ಆಗಿರುವ ಗ್ರಾಮವನ್ನು ಪಂಚಾಯತ್ ಪಿಡಿ‌ಓಗೆ ಹಸ್ತಾಂತರಿಸಿ, ನರೇಗಾ ಯೋಜನೆಯಡಿ ಅಭಿವೃದ್ಧಿ ಪಡಿಸುವಂತೆ ಮತ್ತು ಸತ್ತ ದನಗಳ ಕಳೇಬರ ವಿಲೇವಾರಿಗೆ ಜಾಗದ ಕೊರತೆಯಿದ್ದು, ಆದಷ್ಟು ಬೇಗ ಸರ್ವೆ ಮಾಡಿ ಜಾಗವನ್ನು ಪಿಡಿ‌ಓಗಳಿಗೆ ಹಸ್ತಾಂತರಿಸಬೇಕೆಂದು ಶಾಸಕರು ಅಧಿಕಾರಿಗಳಿಗೆ ಸೂಚಿಸಿದರು.