ಅಯೋಧ್ಯಾ ಧಾಮ್‌ ಉದ್ಘಾಟಿಸಿ, ಅಮೃತ್‌ ಭಾರತ್‌ ರೈಲ್ವೇಗೆ ಚಾಲನೆ ನೀಡಿದ ಪ್ರಧಾನಿ ನರೇಂದ್ರ ಮೋದಿ !

ಜನಪ್ರತಿನಿಧಿ ವಾರ್ತೆ (ರಾಮ ಪಥ, ಅಯೋಧ್ಯೆ) :  ಅಯೋಧ್ಯೆ ಶ್ರೀರಾಮ ಮಂದಿರ ಉದ್ಘಾಟನೆಯ ಹಿನ್ನೆಲೆಯಲ್ಲಿ ನವೀಕರಣಗೊಳಿಸಿದ ಅಯೋಧ್ಯೆ ರೈಲ್ವೇ ಸ್ಟೇಶನ್‌, ʼಅಯೋಧ್ಯಾ ಧಾಮʼ ಉದ್ಘಾಟನೆಗೊಳಿಸಿ ಅಮೃತ್‌ ಭಾರತ್‌ ರೈಲ್ವೇಗೆ ಅವರು ಅಧಿಕೃತ ಚಾಲನೆ ನೀಡಿದ್ದಾರೆ.

ಇನ್ನು,  ಅಯೋಧ್ಯೆಗೆ ಆಗಮಿಸಿದ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ವಿವಿಧ ಕಲಾವಿದರ ತಂಡಗಳು ಸ್ವಾಗತಿಸಿದವು. ರೈಲ್ವೇ ನಿಲ್ದಾಣಕ್ಕೆ ತೆರಳುತ್ತಿರುವಾಗ ಪ್ರಧಾನಿಯವರು ರೋಡ್‌ಶೋ ನಡೆಸಿದರು, ಅಲ್ಲಿ 1,400 ಕ್ಕೂ ಹೆಚ್ಚು ಕಲಾವಿದರು ರಾಮ್ ಪಥ್ ಮಾರ್ಗದಲ್ಲಿ ವಿಶೇಷವಾಗಿ ನಿರ್ಮಿಸಲಾದ ಒಟ್ಟು 40 ವೇದಿಕೆಗಳಲ್ಲಿ ಜಾನಪದ ಕಲೆ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಪ್ರಸ್ತುತಪಡಿಸಿದರು.

ನಂತರ ಸಾರ್ವಜನಿಕ ಸಮಾರಂಭದಲ್ಲಿ ಪ್ರಧಾನಿ ಭಾಗವಹಿಸಲಿದ್ದು, 15,700 ಕೋಟಿ ರೂ.ಗೂ ಅಧಿಕ ಮೊತ್ತದ ಹಲವು ಅಭಿವೃದ್ಧಿ ಯೋಜನೆಗಳನ್ನು ಉದ್ಘಾಟಿಸಲಿದ್ದಾರೆ.