ಬಿ.ಎಸ್‌ ಯಡಿಯೂರಪ್ಪ  ಅವರು ಕೋವಿಡ್ ಅಕ್ರಮದ ಬಗ್ಗೆ ಮೌನಕ್ಕೆ ಜಾರಿರುವುದು ಏಕೆ? : ಕಾಂಗ್ರೆಸ್‌

ಜನಪ್ರತಿನಿಧಿ ವಾರ್ತೆ (ಬೆಂಗಳೂರು) : 40,000 ಕೋಟಿಯ ಬಾಂಬ್‌ನ್ನು ನಿಷ್ಕ್ರೀಯಗೊಳಿಸಲು ಸರ್ಕಸ್ ಮಾಡುತ್ತಿದ್ದೀರಾ ಬಿ. ವೈ ವಿಜಯೇಂದ್ರ ಅವರೇ? ಎಂದು ಆಡಳಿತರೂಢ ಕಾಂಗ್ರೆಸ್‌ ಪ್ರಶ್ನೆ ಮಾಡಿದೆ.

40 ಸಾವಿರ ಕೋಟಿ ಜನರ ಹಣ, ಮೊದಲು ಜನತೆಗೆ ಆ ಅಕ್ರಮದ ಬಗ್ಗೆ ಉತ್ತರ ಕೊಡಿ, ನಂತರ ನಿಮ್ಮ ಪಕ್ಷದ ಸಮಸ್ಯೆಗಳನ್ನು ನಂತರ ಬಗೆಹರಿಸಿಕೊಳ್ಳಿ ಎಂದು ಹೇಳಿದ್ದಲ್ಲದೇ, ಬಿ.ಎಸ್‌ ಯಡಿಯೂರಪ್ಪ  ಅವರು ಕೋವಿಡ್ ಅಕ್ರಮದ ಬಗ್ಗೆ ಮೌನಕ್ಕೆ ಜಾರಿರುವುದು ಏಕೆ? ರಾಜ್ಯದ ಜನತೆಗೆ ಉತ್ತರ ನೀಡಬೇಕಾದ ಹೊಣೆಗಾರಿಕೆಯನ್ನು ಮರೆತಿರುವುದೇಕೆ? ಎಂದು ಪ್ರಶ್ನೆ ಮಾಡಿದೆ.

ರಾಜ್ಯ ಬಿಜೆಪಿ ನಾಯಕರ ವಿರುದ್ಧ ಮುನಿಸಿಕೊಂಡು ಪಕ್ಷವನ್ನು ಇಕ್ಕಟ್ಟಿಗೆ ಸಿಲುಕಿಸುವ ಹೇಳಿಕೆ ನೀಡುತ್ತಿರುವ ಬಿಜೆಪಿ ಹಿರಿಯ ಶಾಸಕ ಬಸನಗೌಡ ಪಾಟೀಲ್‌ ಯತ್ನಾಳ್‌ ವಿರುದ್ಧ ಶಿಸ್ತು ಕ್ರಮದ ಬದಲನ್ನು ಅವರನ್ನು ಸಮಾಧಾನಪಡಿಸುವುದು ಸೂಕ್ತ ಎಂಬ ಅಭಿಪ್ರಾಯಕ್ಕೆ ಬಿಜೆಪಿ ಕೋರ್‌ ಕಮಿಟಿ ಬಂದಿರುವುದನ್ನು ಪ್ರಶ್ನಿಸಿ ಕಾಂಗ್ರೆಸ್‌ ಬಿಜೆಪಿ ವಿರುದ್ಧ ಹರಿಹಾಯ್ದಿದೆ.