ವಕ್ವಾಡಿ ಕರುಣಾಕರ ಶೆಟ್ಟಿಗಾರರಿಗೆ ‘ಪದ್ಮಶಾಲಿ ಶೌರ್ಯ ಕೇಸರಿ’ ಪ್ರಶಸ್ತಿ

ಕುಂದಾಪುರ : ಕಳೆದ 25 ವರ್ಷಗಳ ಕಾಲ ಉತ್ತರ ಭಾರತದ ಗಡಿರಾಜ್ಯಗಳಲ್ಲಿ ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ವಕ್ವಾಡಿ ಕರುಣಾಕರ ಶೆಟ್ಟಿಗಾರರಿಗೆ ಉಡುಪಿ ನೇಕಾರ ಪ್ರತಿಷ್ಠಾನ ಇವರು ಪದ್ಮಶಾಲಿ ಶೌರ್ಯ ಕೇಸರಿ ಪ್ರಶಸ್ತಿಯನ್ನು ಕಿನ್ನಿಮುಲ್ಕಿ ಉಡುಪಿಯಲ್ಲಿ ನಡೆದ ಸಮಾರಂಭದಲ್ಲಿ ಪ್ರಶಸ್ತಿ ನೀಡಿ ಗೌರವಿಸಿದರು.

ವಕ್ವಾಡಿ ಕರುಣಾಕರ ಶೆಟ್ಟಿಗಾರ್ ಜಮ್ಮುವಿನ ಅಕ್ನೂರ್ ಮತ್ತು ಜಮ್ಮು -ಕಾಶ್ಮೀರದ ಉದಂಪುರದಲ್ಲಿ ಉಗ್ರಗಾಮಿಗಳ ವಿರುದ್ಧ ಜೀವದ ಹಂಗು ತೊರೆದು ಸೇನೆಯಲ್ಲಿ ಹೋರಾಟ ಮಾಡಿದ ಕಾರ್ಯತತ್ಪರತೆಗೆ ಸರಕಾರವು goc-in-c-commandation Card ನೀಡಿರುತ್ತಾರೆ.

ಇವರು ಅಂಚೆ ಮೇಲ್ವಿಚಾರಕ ದಿ.ವಕ್ವಾಡಿ ಗುಂಡು ಶೆಟ್ಟಿಗಾರ ಮತ್ತು ಸುಶೀಲ. ಜಿ. ಶೆಟ್ಟಿಗಾರ ಇವರ ಪುತ್ರ. ವಾರಂಟ್ ಆಫೀಸರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ.