ನಾಟಕಕಾರ,ಹರಿದಾಸ ಕೆ.ಕೆ ಕಾಳಾವರ್ಕರ್ ಅವರಿಗೆ ಸನ್ಮಾನ

ಕೋಟೇಶ್ವರ: ನಮ್ಮ ಕಲಾ ತಂಡ ಕೋಟೇಶ್ವರ ಇವರ ಆಶ್ರಯದಲ್ಲಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಉಡುಪಿ ಇವರ ಸಹಕಾರದೊಂದಿಗೆ ಕಟ್ಕೇರೆ ಮಹಾದೇವಿ ದೇವಸ್ಥಾನದ ಸಭಾಂಗಣದಲ್ಲಿ ಶ್ರೀ ಹಟ್ಟಿಯಂಗಡಿ ಮೇಳದ ಯಕ್ಷಗಾನ ಪ್ರದರ್ಶನದಲ್ಲಿ ರಂಗಕರ್ಮಿ ಹರಿದಾಸ್ ಕೆ. ಕೆ. ಕಾಳಾವರ್ಕರ್ ಅವರನ್ನು ಸನ್ಮಾನಿಸಲಾಯಿತು.

ವೇದಿಕೆಯಲ್ಲಿ ಪಾತ್ರಿ ಗೋಪಾಲ ಮಡಿವಾಳ, ನಿವೃತ್ತ ಮುಖ್ಯ ಶಿಕ್ಷಕ ರಘುವೀರ. ಕೆ, ಉದ್ಯಮಿ ಗುಣಕರ ಶೆಟ್ಟಿ ಕಟ್ಕೇರೆ, ಮಾರ್ಕೋಡು, ಉಪನ್ಯಾಸಕ ಸುಧಾಕರ ವಕ್ವಾಡಿ, ಕುಂದಾಪುರ ತಾಲೂಕು ಪಂಚಾಯತ್ ಕೇಂದ್ರಿಕೃತ ತರಬೇತಿ ಸಂಯೋಜಕ ಮೋಹನ್ ಚಂದ್ರ ಕಾಳಾವರ್ಕರ್ ಉಪಸ್ಥಿತರಿದ್ದರು.

ಮೂರು ದಶಕಗಳ ಹಿಂದೆ ಕನ್ನಡ, ಇಂಗ್ಲೀಷ್, ಹಿಂದಿ ಭಾಷೆಯಲ್ಲಿ ತರ್ಜುಮೆಗೊಂಡು ರಾಷ್ಟ್ರ ಮಟ್ಟದವರೆಗೆ ಪ್ರಯೋಗ ಮತ್ತು ಪ್ರಶಸ್ತಿ ಪಡೆದ ತುಳು ಚಿತ್ರರಂಗದಲ್ಲಿ ತೆರೆಕಂಡ ಕೆ.ಕೆ. ಕಾಳಾವರ್ಕರ್ ಅವರ ಕಾಲ’ ನಾಟಕ ಆಧಾರಿತ ಯಕ್ಷಗಾನ ಪ್ರಸಂಗ ನಾಗಾಂಬಿಕೆ’ ಪ್ರಪ್ರಥಮ ಯಕ್ಷಗಾನ ಪ್ರದರ್ಶನ ನಡೆಯಿತು. ಮೇಳದ ಯಜಮಾನ ವಕ್ವಾಡಿ ರಂಜಿತ್ ಶೆಟ್ಟಿ ಕಾರ್ಯಕ್ರಮ ಸಂಯೋಜಿಸಿದ್ದರು.