ರಾಷ್ಟ್ರೀಯ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ ಅಶೋಕ ಜಿ.ವಿ.ಗೆ 4 ಚಿನ್ನ

ಗಂಗೊಳ್ಳಿ : ರಾಷ್ಟ್ರೀಯ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್‌ನ 60 ವರ್ಷ ಮೇಲ್ಪಟ್ಟ ಹಿರಿಯರ ವಿಭಾಗದಲ್ಲಿ ಕೋಟದ ಅಶೋಕ ಜಿ.ವಿ. ಅವರು 4 ಚಿನ್ನದ ಪದಕ ಗಳಿಸಿದ್ದಾರೆ.

ಹೈದರಾಬಾದ್‌ನ ವಿಜಯ ಭಾಸ್ಕರ ರೆಡ್ಡಿ ಕ್ರೀಡಾಂಗಣದಲ್ಲಿ ಜರಗಿದ ಎಂ3 ಹಿರಿಯರ 74 ಕೆಜಿ ವಿಭಾಗದಲ್ಲಿ ಅಶೋಕ ಜಿ.ವಿ. ಕರ್ನಾಟಕವನ್ನು ಪ್ರತಿನಿಧಿಸಿದ್ದರು. ಇದೇ ಕೂಟದಲ್ಲಿ ಇವರ ಸಮಗ್ರ ಸಾಧನೆಗೆ ಎಂ ೩ ವಿಭಾಗದ ಬೆಸ್ಟ್ ಲಿಫ್ಟರ್ ಗೌರವವನ್ನು ಪಡೆದಿದ್ದಾರೆ.