ರಾಜ್ಯಮಟ್ಟದ ಮಕ್ಕಳ ಸಾಹಿತ್ಯ ಸಮ್ಮೇಳನ 2026: ಕವನಗೋಷ್ಠಿ ಅಧ್ಯಕ್ಷರಾಗಿ ಕುಮಾರ್ ಸೃಜನ್. ಎನ್ ಗಾಣಿಗ.

ಮಂಡ್ಯ ಜಿಲ್ಲೆ ನಾಗಮಂಗಲದ ಆದಿಚುಂಚನಗಿರಿ ಮಹಾಸಂಸ್ಥಾನ ಮಠದಲ್ಲಿ ಜನವರಿ 16ರಂದು ‘21 ನೇ ರಾಜ್ಯಮಟ್ಟದ ಮಕ್ಕಳ ಸಾಹಿತ್ಯ ಸಮ್ಮೇಳನ’ವು ಅದ್ಧೂರಿಯಾಗಿ ಜರುಗಿತು. ಬೆಂಗಳೂರಿನ ಮಂಜುನಾಥ ನಗರದಲ್ಲಿರುವ ಇಂಡಿಯನ್ ಹೈಸ್ಕೂಲ್ ನ 10ನೇ ತರಗತಿ ವಿದ್ಯಾರ್ಥಿ ಕುಮಾರ್ ಸೃಜನ್ ಕವನ ಗೋಷ್ಠಿಯ ಅಧ್ಯಕ್ಷರಾಗಿ ಆಸೀನರಾಗಿದ್ದರು. ಈ ಅದ್ಭುತ ವೇದಿಕೆಯಲ್ಲಿ ಅಧ್ಯಕ್ಷ ಡಿ.ಮಂಜುನಾಥ್, ಮಹಾಸಂಸ್ಥಾನ ಮಠದ ಪೀಠಾಧ್ಯಕ್ಷ ಡಾ.ನಿರ್ಮಲಾನಂದ ನಾಥಾ ಸ್ವಾಮೀಜಿ ಹಾಗೂ ಕಾರ್ಯದರ್ಶಿ ಶ್ರೀ ಪ್ರಸನ್ನ ನಾಥಾ ಸ್ವಾಮೀಜಿ ಅನೇಕ ಗಣ್ಯರು ಉಪಸ್ಥಿತರಿದ್ದರು. ಬಹುಮುಖ ಪ್ರತಿಭಾವಂತನಾಗಿರುವ ಸೃಜನ್. ಎನ್. ಈಗಾಗಲೇ ಹಲವಾರು ಕವನಗಳನ್ನು ರಚಿಸಿರುತ್ತಾನೆ. ಈ ಸಮ್ಮೇಳನದಲ್ಲಿ ನಿರ್ಮಲಾನಂದ ನಾಥ ಸ್ವಾಮೀಜಿ ಹಾಗೂ ಶ್ರೀ ಪ್ರಸನ್ನ ನಾಥಾ ಸ್ವಾಮೀಜಿ ಮಕ್ಕಳು ಓದಿನ ಜೊತೆ ಸಾಹಿತ್ಯದ ಮೇಲೆ ಅಪಾರ ಆಸಕ್ತಿ ಬೆಳೆಸಿಕೊಳ್ಳಬೇಕು ಎಂಬ ಹಿತವಚನವನ್ನು ಮನಮುಟ್ಟುವಂತೆ ನುಡಿದರು. ಈತನು ಸಂಗೀತ, ಚಿತ್ರಕಲೆ ಹಾಗೂ ಸಾಹಿತ್ಯದ ಮೇಲೆ ಅಪಾರವಾದ ಅಭಿರುಚಿ ಯನ್ನು ಹೊಂದಿರುತ್ತಾನೆ. ಸೃಜನ್ ಕುಂದಾಪುರ ತಾಲೂಕಿನ ಕುಂದಾಬಾರಂದಾಡಿಯ ನಿವಾಸಿ ನಾಗೇಶ್ ಗಾಣಿಗ ಮತ್ತು ಸವಿತಾ ದಂಪತಿಯ ಪುತ್ರರಾಗಿದ್ದಾರೆ. 2025 ರ ನವೆಂಬರ್ 28ರಂದು ಹಟ್ಟಿಅಂಗಡಿ ಯಲ್ಲಿ ನಡೆದ ರಾಜ್ಯಮಟ್ಟದ ಮಕ್ಕಳ ಸಾಹಿತ್ಯ ಸಮ್ಮೇಳನ ದ ಕವಿಗೋಷ್ಠಿಯ ಅಧ್ಯಕ್ಷನಾಗಿಯೂ ತನ್ನ ಕೌಶಲ್ಯವನ್ನು ಮೆರೆದಿದ್ದಾನೆ.