ಕಾವೂರು: ಕೋಟ ಗೋಪಾಲಕೃಷ್ಣ ಕಾಮತ್ ಮನೆಗೆ ‘ಸ್ವಾತಂತ್ರ್ಯ ಹೋರಾಟಗಾರರ ಮನೆ’ ನಾಮಫಲಕ ಅನಾವರಣ

ಕುಂದಾಪುರ: ಸ್ವರಾಜ್ಯ 75 ತಂಡದ 36ನೇ ಸ್ವಾತಂತ್ರ್ಯ ಹೋರಾಟಗಾರರ ಮನೆ ನಾಮಫಲಕ ಅನಾವರಣ ಕಾರ್ಯಕ್ರಮದಲ್ಲಿ ಸರ್ವ ಕಾಲೇಜು ವಿದ್ಯಾರ್ಥಿ ಶಕ್ತಿ (ರಿ) ಕರ್ನಾಟಕ ಹಸ್ತಚಿತ್ರ ಫೌಂಡೇಶನ್ (ರಿ) ವಕ್ವಾಡಿ, ಜನಸೇವಾ ಟ್ರಸ್ಟ್ ಮೂಡುಗಿಳಿಯಾರು, ಉಸಿರು ಕೋಟ, ಕಾರ್ಯಕ್ರಮ ನಮ್ಮೊಂದಿಗೆ (“ಸ್ವರಾಜ್ಯ 75 ತಂಡದೊಂದಿಗೆ) ದಕ್ಷಿಣ ಕನ್ನಡ ಜಿಲ್ಲೆಯ ಕಾವೂರು ಪ್ರದೇಶದ ಕೋಟ ಗೋಪಾಲಕೃಷ್ಣ ಕಾಮತ್ ಮನೆಗೆ ಸ್ವಾತಂತ್ರ್ಯ ಹೋರಾಟಗಾರರ ಮನೆ” ನಾಮಫಲಕ ಅನಾವರಣಗೊಳಿಸಲಾಯಿತು.

ಕಾರ್ಯಕ್ರಮದ ಮೊದಲಿಗೆ ರಾಷ್ಟ್ರ ಧ್ವಜಕ್ಕೆ ಪುಷ್ಪಾರ್ಚನೆಯನ್ನು ಮಾಡಿ ಅಶೋಕ್ ಕಾಮತ್, ಇವರು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು ಗಣ್ಯರು ಪುಷ್ಪಾರ್ಚನೆ ಗೈದರು. ಪುನೀತ್ ಮುಂಡ್ಕೂರು ನಾಮಫಲಕ ಅನಾವರಣ ಮಾಡಿದರು. ಸುಜೀತ್ ಶೆಟ್ಟಿ ಹಿಲಿಯಾಣ ಅಧ್ಯಕ್ಷತೆ ವಹಿಸಿದ್ದರು.

ಶ್ವೇತ ಉಲ್ಲಾಸ್ ಹೊಳ್ಳ, ಮಹಿಮಾ ಭಂಡಾರಿ, ಮಿಥುಲ್, ವಿವೇಕ್ ಆರ್ ಪ್ರಭು, ದೇವಿಕಾ ದಿನೇಶ್ ಪ್ರಭು, ಶ್ರೀ ವಿಚಾರ ಹಂಚಿಕೊಂಡರು.
ದಿನೇಶ್ ಪ್ರಭು, ಚಂದನ್ ಗೌಡ, ವಿದ್ಯಾರ್ಥಿ ಶಕ್ತಿ ಘಟಕದ ವಿದ್ಯಾರ್ಥಿಗಳು, ಕುಟುಂಬಸ್ಥರು, ಊರ ಹತ್ತು ಸಮಸ್ತರು ಉಪಸ್ಥಿತರಿದ್ದರು.

ಕಾರ್ಯಕ್ರಮ ಸಂಚಾಲಕರಾದ (ಸ್ವರಾಜ್ಯ ೭೫) ಪ್ರದೀಪ ಕುಮಾರ್ ಬಸ್ರೂರು ವಿಚಾರ ರೂಪುರೇಷ ತಿಳಿಸಿದರು. ಅಕ್ಷತಾ ಗಿರೀಶ್ ಐತಾಳ್ ಕಾರ್ಯಕ್ರಮ ನಿರ್ವಹಿಸಿ, ವಂದಿಸಿದರು.