ಮಲ್ಪೆ: ದುಷ್ಕರ್ಮಿಗಳಿಂದ ಬಸ್ ಮಾಲಕ ಸೈಪುದ್ಧೀನ್ ಹತ್ಯೆ

ಉಡುಪಿ: ಉಡುಪಿಯ ಖಾಸಗಿ ಬಸ್ ಮಾಲಕ ಸೈಪುದ್ಧೀನ್ ಆತ್ರಾಡಿ ಅವರನ್ನು ದುಷ್ಕರ್ಮಿಗಳು ಇಂದು (ಸೆ.೨೭) ಮನೆಯಲ್ಲಿ ಮಾರಕಾಯುಧಗಳಿಂದ ಕೊಚ್ಚಿ ಹತ್ಯೆಗೈದ್ದಿದ್ದಾರೆ.

ಮಲ್ಪೆ ಸಮೀಪದ ಕೊಡವೂರು ಸಾಲ್ಮರ ಎಂಬಲ್ಲಿ ಇರುವ ಸೈಪುದ್ಧೀನ್ ಅವರ ಮನೆಯಲ್ಲಿ ದುಷ್ಕರ್ಮಿಗಳು ಹತ್ಯೆ ನಡೆಸಿ ಪರಾರಿಯಾಗಿದ್ದಾರೆ. ಈ ಕೊಲೆ ಬೆಳಿಗ್ಗೆ ೧೦ಗಂಟೆಯಿಂದ ೧೧ ಗಂಟೆಯ ಅವಧಿಯಲ್ಲಿ ನಡೆದಿರಬಹುದಾಗಿದೆ.

ಸ್ಥಳಕ್ಕೆ ಎಸ್ಪಿ ಹರಿರಾಂ ಶಂಕರ್ ಭೇಟಿ ನೀಡಿದ್ದಾರೆ. ಈ ಬಗ್ಗೆ ಮಾದ್ಯಮಗಳೊಂದಿಗೆ ಮಾತನಾಡಿದ ಅವರು ಈಗಾಗಲೇ ಪ್ರಾಥಮಿಕ ಮಾಹಿತಿ ಪ್ರಕಾರ ಮೂರು ಜನ ದುಷ್ಕರ್ಮಿಗಳು ಈ ಹತ್ಯೆ ನೆಡೆಸಿರುವ ಸಾಧ್ಯತೆ ಇದೆ. ಅವರು ಕೂಡಾ ಅವರ ಸಂಸ್ಥೆಯಲ್ಲಿಯೇ ಕೆಲಸ ಮಾಡುತ್ತಿರುವ ಬಗ್ಗೆ ಪ್ರಾಥಮಿಕ ತನಿಖೆಯಿಂದ ತಿಳಿದು ಬಂದಿದ್ದು, ಆರೋಪಿಗಳ ಪತ್ತೆಗೆ ಶೋಧ ಕಾರ್ಯ ಆರಂಭವಾಗಿದೆ ಎಂದಿದ್ದಾರೆ.