ಡ್ಯುಯಲ್ ಸ್ಟಾರ್ ಶಾಲೆ ಅಮಾಸೆಬೈಲು: ಚಿತ್ರಕಲಾ ತರಗತಿ ಉದ್ಘಾಟನೆ 

ಕುಂದಾಪುರ: ಪ್ರತಿ ವಿದ್ಯಾರ್ಥಿಯಲ್ಲಿಯೂ ಸುಪ್ತ ಪ್ರತಿಭೆ ಇರುತ್ತದೆ. ಇದನ್ನು ಹುಡುಕಿ ಅದಕ್ಕೆ ತರಬೇತಿಯನ್ನು ನೀಡಿದಾಗ ಒಂದು ಸುಂದರ ಮೂರ್ತಿ ನಮ್ಮ ಎದುರಿಗೆ ಎದ್ದು ನಿಲ್ಲುತ್ತದೆ. ಅಂತಹ ತರಬೇತಿಯನ್ನು ಚಿತ್ರ ಕಲಾ ತರಗತಿಯಲ್ಲಿ ನೀಡಬಹುದು ಎಂದು ಶಿಲ್ಪಿ ಜಯರಾಮ್ ಆಚಾರ್ ರವರು ಅಭಿಪ್ರಾಯಪಟ್ಟರು.

ಅವರು ಡ್ಯುಯಲ್ ಸ್ಟಾರ್ ಶಾಲೆ ಅಮಾಸೆಬೈಲು ಇಲ್ಲಿ ಚಿತ್ರಕಲಾ ತರಗತಿಯನ್ನು ಉದ್ಘಾಟಿಸಿ,  ವಿದ್ಯಾರ್ಥಿಗಳಿಗೆ ಚಿತ್ರ ಬಿಡಿಸುವುದೆಂದರೆ ತುಂಬಾ ಅಚ್ಚುಮೆಚ್ಚು. ಅದಕ್ಕೆ ಸರಿಯಾದ ರೀತಿಯಲ್ಲಿ ಮಾರ್ಗದರ್ಶನವನ್ನು ನೀಡಬೇಕು ಎಂದು ಹೇಳಿದರು.

ಸಭೆಯ ಅಧ್ಯಕ್ಷತೆಯನ್ನು ವಡ್ಡರ್ಸೆ ಪ್ರಕಾಶ್ ಆಚಾರ್ಯ ವಹಿಸಿದ್ದರು. ವೇದಿಕೆಯಲ್ಲಿ ಶಾಲಾ ಉಪಾಧ್ಯಕ್ಷರಾದ ಸಚ್ಚಿದಾನಂದ ಅಡಿಗ, ಶಾಲಾ ಸಂಚಾಲಕರಾದ ಶಶಿಧರ್ ದೇವಾಡಿಗ, ಹಿರಿಯ ಪ್ರಾಥಮಿಕ ವಿಭಾಗದ ಮುಖ್ಯೋಪಾಧ್ಯಾಯಿನಿ ರಾಧಿಕಾ ರಾವ್, ಚಿತ್ರಕಲೆ ತರಬೇತುದಾರ ಕುಮಾರ್ ಸಾಲಿಗ್ರಾಮ, ಟ್ರಾನ್ಸ್ಪೋರ್ಟ್ ಮೆನೇಜರ್ ರಮಾಕಾಂತ್ ಪೂಜಾರಿಯವರು ಉಪಸ್ಥಿತರಿದ್ದರು.