ಬಂಟ್ವಾಳ : ಬೈಕ್‌ ನಲ್ಲಿ ಬಂದ ದುಷ್ಕರ್ಮಿಗಳಿಂದ ಪಿಕಪ್‌ ವಾಹನ ಚಾಲಕನ ಬರ್ಬರ ಹತ್ಯೆ

ಜನಪ್ರತಿನಿಧಿ (ಮಂಗಳೂರು/ಬಂಟ್ವಾಳ) : ಪಿಕಪ್‌ ಚಾಲಕನೋರ್ವನನ್ನು ಬರ್ಬರವಾಗಿ ಕಡಿದು ಕೊಲೆ ಮಾಡಿರುವ ದುರ್ಘಟನೆ ಬಂಟ್ವಾಳ ತಾಲೂಕಿನ ಕುರಿಯಾಳ ಹತ್ತಿರದ ಕಾಂಬೋಡಿಉ ಇರಾಕೋಡಿ ಎನ್ನುವಲ್ಲಿ ಇಂದು(ಮಂಗಳವಾರ) ನಡೆದಿದೆ.

ಕೊಳತ್ತಮಜಲು ನಿವಾಸಿ ಪಿಕಪ್‌ ಚಾಲಕನ ಸಹೋದರ ರಹೀಮ್‌ ಎನ್ನುವವನನ್ನು ಕೊಲೆ ಮಾಡಲಾಗಿದೆ.

ಇರಾಕೋಡಿ ಎನ್ನುವಲ್ಲಿ ಮರಳು ಅನ್‌ ಲೋಡ್‌ ಮಾಡುತ್ತಿದ್ದ ಸಂದರ್ಭದಲ್ಲಿ ಬೈಕಿನಲ್ಲಿ ಬಂದ ಇಬ್ಬರು ದುಷ್ಕರ್ಮಿಗಳು ಕಡಿದು ಕೊಲೆ ಮಾಡಿ ಪರಾರಿಯಾಗಿದ್ದಾರೆ ಎಂದು ತಿಳಿದು ಬಂದಿದೆ.

ರಹೀಮ್‌ ಜೊತೆ ಇನ್ನೊಬ್ಬ ಸಹ ಇದ್ದು, ಆತನಿಗೂ ಮಾರಕಾಯುಧದಿಂದ ಕಡಿಯಲಾಗಿದೆ ಎಂದು ತಿಳಿದು ಬಂದಿದೆ. ಆತನಿಗೆ ಕೈಗೆ ಗಾಯವಾಗಿದ್ದು ಆತನನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಸ್ಥಳಕ್ಕೆ ಬಂಟ್ವಾಳ ಗ್ರಾಮಾಂತರ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದು, ಹೆಚ್ಚಿನ ಮಾಹಿತಿ ಇನ್ನಷ್ಟೇ ತಿಳದು ಬರಬೇಕಿದೆ.