ಬೆಂಗಳೂರಿನ ಹಿಂದೂಸ್ತಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌ ಮಹಾರತ್ನ ಕಂಪನಿಗಳ ಪಟ್ಟಿಗೆ ಸೇರ್ಪಡೆ !

ಜನಪ್ರತಿನಿಧಿ (ನವ ದೆಹಲಿ) : ದೇಶದ ಹೆಮ್ಮೆಯ ಉದ್ದಿಮೆಯಾದ ನಮ್ಮ ಬೆಂಗಳೂರಿನ ಹಿಂದೂಸ್ತಾನ್‌ ಏರೋನಾಟಿಕ್ಸ್‌ ಲಿಮಿಟೆಡ್‌ (ಎಚ್‌ಎಎಲ್‌) ಈಗ ಮಹಾರತ್ನ ಕಂಪನಿಗಳ ಪಟ್ಟಿಗೆ ಸೇರ್ಪಡೆಯಾಗಿದೆ.

ಮಹಾರತ್ನ ಸ್ಥಾನಮಾನ ಪಡೆಯಲು ಕಂಪನಿಯ ಸರಾಸರಿ ವಹಿವಾಟು 25,000 ಕೋಟಿ ರೂ.ಗಿಂತ ಹೆಚ್ಚಿರಬೇಕು. 2023-24ರ ಅವಧಿಯಲ್ಲಿ ಎಚ್‌ಎಎಲ್ 7,595 ಕೋಟಿ ರೂ.ಗಳ ಬೃಹತ್ ಲಾಭ ಮತ್ತು 28,162 ಕೋಟಿ ರೂ.ಗಳ ವಾರ್ಷಿಕ ವಹಿವಾಟು ದಾಖಲಿಸಿದೆ.

ಈ ಸ್ಥಾನಮಾನದಿಂದ ಕಂಪನಿಗೆ ಹೆಚ್ಚಿನ ಸ್ವಾಯತ್ತೆ ದೊರಕಲಿದ್ದು ಕೇಂದ್ರದ ಬಜೆಟ್‌ ಅನುದಾನದ ಖಾತ್ರಿಗಾಗಿ ಕಾಯದೆ ಸ್ವತಂತ್ರವಾಗಿ ಕಾರ್ಯನಿರ್ವಹಿಸಬಹುದಾಗಿದೆ. ಈ ಪಟ್ಟಿಗೆ ದಾಖಲಾದ 14ನೇ ಕಂಪನಿ ಎಂಬ ಕೀರ್ತಿಗೆ ಎಚ್‌ಎಎಲ್‌ ಪಾತ್ರವಾಗಿದೆ.