52 ಸಾವಿರ ಮನೆಗಳ ವಂತಿಕೆ ಬಾಬ್ತು ತಲಾ ಮೂರು ಲಕ್ಷ ರಾಜ್ಯ ಸರ್ಕಾರದಿಂದಲೇ ಪಾವತಿ : ಸಚಿವ ಜಮೀರ್‌ ಅಹಮದ್ ಖಾನ್‌

ಜನಪ್ರತಿನಿಧಿ ವಾರ್ತೆ (ಬೆಂಗಳೂರು) : 2013ರಲ್ಲಿ ರಾಜೀವ್‌ ಗಾಂಧಿ ಗ್ರಾಮೀಣ ವಸತಿ ನಿಗಮದ ವತಿಯಿಂದ ಪ್ರಧಾನ ಮಂತ್ರಿ ಆವಾಸ್‌ (ನಗರ) ವಸತಿ ಯೋಜನೆಯಡಿ ಫಲಾನುಭವಿಗಳನ್ನು ಆಯ್ಕೆ ಮಾಡಲಾಗಿದೆ ಎಂದು ವಸತಿ ಸಚಿವ ಬಿ.ಜೆಡ್‌. ಜಮೀರ್‌ ಅಹಮದ್ ಖಾನ್‌ ತಿಳಿಸಿದ್ದಾರೆ.

ಈ ಬಗ್ಗೆ ಮಾಹಿತಿ ನೀಡಿದ ಅವರು,  ಫಲಾನುಭವಿಗಳ ವಂತಿಕೆ ಪಾವತಿಯಾಗದ ಕಾರಣದಿಂದ ಬಾಕಿ ಉಳಿದಿರುವ ಮನೆಗಳ ಪೂರ್ಣ ನಿರ್ಮಾಣಕ್ಕೆ ವಂತಿಕೆ ಬಾಬ್ತು ತಲಾ 3 ಲಕ್ಷ ರೂ. ಅನ್ನು ರಾಜ್ಯ ಸರ್ಕಾರದಿಂದಲೇ ಭರಿಸಲು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಒಪ್ಪಿಗೆ ಸೂಚಿಸಿದ್ದಾರೆ ಎಂದು ಕೂಡ ಅವರು ಹೇಳಿದ್ದಾರೆ.

52 ಸಾವಿರ ಮನೆಗಳ ವಂತಿಕೆ ಬಾಬ್ತು ತಲಾ ಮೂರು ಲಕ್ಷ ರಾಜ್ಯ ಸರ್ಕಾರದಿಂದಲೇ ಪಾವತಿ ಮಾಡುವುದಕ್ಕೆ ಮುಖ್ಯಮಂತ್ರಿಗಳು ಸೂಚಿಸಿದ್ದಾರೆ. 1,879 ಕೋಟಿ ರೂ.ಗಳನ್ನು ಫಲಾನುಭವಿಗಳ ವಂತಿಕೆಗೆ ಅನುದಾನ ಮೀಸಲಿಡಲಾಗಿದೆ ಮಾತ್ರವಲ್ಲದೇ 289 ಕೋಟಿ ರೂ. ಮೂಲ ಸೌಕರ್ಯ ಅಭಿವೃದ್ಧಿಗೆ ಅನುದಾನ ಮೀಸಲಿಡಲಾಗಿದೆ ಎಂದು ಹೇಳಿದ್ಧಾರೆ.