ವಿಶ್ವಕಪ್‌ ಟ್ರೋಫಿ ಮೇಲೆ ಕಾಲಿಟ್ಟು ಮಿಚೆಲ್‌ ಮಾರ್ಷ್‌ ಪೋಸ್‌ | ಆಸಿಸ್‌ ಆಟಗಾರನ ಅತಿರೇಖದ ಧೋರಣೆಗೆ ಕ್ರಿಕೇಟ್‌ ಅಭಿಮಾನಿಗಳ ಆಕ್ರೋಶ

ಜನಪ್ರತಿನಿಧಿ ವಾರ್ತೆ : ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂ ನಲ್ಲಿ ನಡೆದ ವಿಶ್ವಕಪ್‌ ಕ್ರಿಕೇಟ್‌ ಪಂದ್ಯಾವಳಿ ಟೀಮ್‌ ಇಂಡಿಯಾವನ್ನು ಸೋಲಿಸಿ ಆಸ್ಟ್ರೇಲಿಯಾ ಆರನೇ ಬಾರಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದೆ.

ವಿಶ್ವಕಪ್‌ ಟೂರ್ನಮೆಂಟ್‌ ನಲ್ಲಿ ಸದ್ಭುತ ಪ್ರದರ್ಶನ ನೀಡುತ್ತಾ ಬಂದಿದ್ದ ಟೀಮ್‌ ಇಂಡಿಯಾ ಫೈನಲ್‌ನಲ್ಲಿ  ಎಡವಿತ್ತು. ಆಸ್ಟ್ರೇಲಿಯಾ ಗೆದ್ದು ಬೀಗಿತ್ತು.

ಟ್ರೋಫಿ ಜೊತೆಗೆ ಆಸ್ಟ್ರೇಲಿಯಾ ಸಂಭ್ರಮಿಸಿದೆ. ಆದರೇ ಆಸೀಸ್‌ ಆಟಗಾರನೊಬ್ಬ ಟ್ರೋಫಿ ಜೊತೆಗೆ ನೀಡಿದ ಒಂದು ಅತಿರೇಖದ ಪೋಸ್‌ ಸಾಮಾಜಿಕ ಜಾಲತಾಣದಲ್ಲಿ ಬಾರಿ ಆಕ್ರೋಶಕ್ಕೆ ಕಾರಣವಾಗಿದೆ.

ಹೌದು, ಆಸಿಸ್‌ ಆಟಗಾರ ಮಿಚೆಲ್‌ ಮಾರ್ಷ್, ಕೈಯಲ್ಲಿ ಬಿಯರ್‌ ಬಾಟಲ್ ಹಿಡಿದು ಟ್ರೋಫಿಯ ಮೇಲೆ ಕಾಲು ಉದ್ದಕ್ಕೆ ಚಾಚಿ ಫೋಟೋಗೆ ಪೋಸ್‌ ಕೊಟ್ಟಿದ್ದಾರೆ. ಮಿಚೆಲ್‌ ಮಾರ್ಷ್‌ ಕೈಯಲ್ಲಿ ಬಿಯರ್‌ ಬಾಟಲ್‌ ಹಿಡದುಕೊಂಡು, ವಿಶ್ವಕಪ್‌ ಟ್ರೋಫಿಯ ಮೇಲೆ ಎರಡೂ ಕಾಲುಗಳನ್ನು ಚಾಚಿ ಸೋಫಾ ಮೇಲೆ ಕುಳಿತಿರುವುದನ್ನು ನೋಡಬಹುದು. ಈ ಫೋಟೋವನ್ನು ಆಸಿಸ್‌ ನಾಯಕ ಪ್ಯಾಟ್‌ ಕಮಿನ್ಸ್‌ ತಮ್ಮ ಇನ್ಸ್ಟಾಗ್ರಾಮ್‌ ನಲ್ಲಿ ಹಂಚಿಕೊಂಡಿದ್ದಾರೆ.

ಕ್ರಿಕೇಟ್‌ ಅಭಿಮಾನಿಗಳು ಮಿಚೆಲ್‌ ಮಾರ್ಷ್‌ ಅತಿರೇಖದ ಧೋರಣೆಗೆ ಆಕ್ರೋಶ ಹೊರ ಹಾಕಿದ್ದು, ಸೂಕ್ತ ಕ್ರಮ ಕೈಗೊಳ್ಳಿ ಎಂದು ಆಗ್ರಹಿಸಿದ್ದಾರೆ.