ಸಮಾಜ ಸೇವಕ ಗಣೇಶ ಕಿಣಿ ನಿಧನ

ಕುಂದಾಪುರದ ಚರ್ಚ್‌ರಸ್ತೆ ನಿವಾಸಿ, ಹರಿಕೃಪಾ ಏಜೆನ್ಸಿಸ್ ಮಾಲಕ, ಸಮಾಜ ಸೇವಕ ಗಣೇಶ್ ಕಿಣಿ (63ವ) ನ.15ರಂದು ಹೃದಯಾಘಾತದಿಂದ ನಿಧನರಾದರು.

ತಮ್ಮ ನಡೆ ನುಡಿ, ಸೇವಾ ಗುಣಗಳಿಂದ ಜನಸಾಮಾನ್ಯರಿಂದ ಉತ್ತಮ ಗೌರವ ಪಡೆಯುತ್ತಿದ್ದ ಇವರು, ತಮ್ಮ ಹರಿಕೃಪಾ ಏಜೆನ್ಸೀಸ್ ಮೂಲಕ ಕೃಷ್ಣ ತುಪ್ಪ ಸೇರಿದಂತೆ ಪ್ರಸಿದ್ದ ಕಂಪೆನಿಗಳ ಸಿದ್ಧ ಆಹಾರ ವಸ್ತುಗಳ ವಿತರಣೆ ನಡೆಸುತ್ತಿದ್ದರು. ವ್ಯಾಪಾರಿ ವಲಯದಲ್ಲಿ ಜನಾನುರಾಗಿಯಾಗಿದ್ದರು. ಕುಂದಾಪುರ ಪೇಟೆ ಶ್ರೀ ವೆಂಕಟರಮಣ ದೇವರ ಅನನ್ಯ ಭಕ್ತರಾಗಿದ್ದರು.

ಮೃತರು ಪುತ್ರಿ ಮೇಘನಾ ಹಾಗೂ ಅಪಾರ ಬಂಧು-ಬಳಗವನ್ನು ಅಗಲಿದ್ದಾರೆ.