ಜಿಲ್ಲಾ ಮಟ್ಟದ ತ್ರೋಬಾಲ್ ಪಂದ್ಯಾಟ: ಆಲೂರು ಸ.ಹಿ.ಪ್ರಾ.ಶಾಲೆಗೆ ಅವಳಿ ಪ್ರಶಸ್ತಿ

ಕುಂದಾಪುರ: ಕುಂದಾಪುರದ ಸರಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಸೆ.16ರಂದು ನಡೆದ ಜಿಲ್ಲಾ ಮಟ್ಟದ ತ್ರೋಬಾಲ್ ಪಂದ್ಯಾಟದಲ್ಲಿ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ಆಲೂರು ಬಾಲಕಿಯರ ವಿಭಾಗದಲ್ಲಿ ಪ್ರಥಮ ಮತ್ತು ಬಾಲಕರ ವಿಭಾಗದಲ್ಲಿ ದ್ವಿತೀಯ ಸ್ಥಾನ ಪಡೆಯುವ ಮೂಲಕ ಅವಳಿ ಪ್ರಶಸ್ತಿ ಪಡೆದಿದೆ.

ಬಾಲಕಿಯರ ವಿಭಾಗದ ತಂಡವು ಮೈಸೂರಿನ ನಂಜನಗೂಡಿನಲ್ಲಿ ನಡೆಯುವ ವಿಭಾಗ ಮಟ್ಟಕ್ಕೆ ಆಯ್ಕೆಯಾಗಿದೆ. ಈ ತಂಡದಲ್ಲಿ ಅನನ್ಯ (ನಾಯಕಿ) ಸಾಕ್ಷಿ, ಮಾನಸ, ಭಾಗ್ಯಶ್ರೀ ಲೇಖನ, ಮಲ್ಲಿಕಾ, ಅಂಕಿತಾ, ಶಿಲ್ಪಾ, ಸಿಂಚನಾ ಶೆಟ್ಟಿ, ಪ್ರೀತಿ, ನಿಶ್ಮಿತಾ, ರಾಶ್ವಿ ಭಾಗವಹಿಸಿದ್ದರು.

ಬಾಲಕರ ತಂಡದಲ್ಲಿ ಪ್ರೀತಂ (ನಾಯಕ) ಭುವನ್ ಬಿ., ಭುವನ್ ಎಸ್., ರೋಹನ್, ಸ್ವಸ್ತಿಕ್, ನೀರಜ್, ನಿತೇಶ್, ಯತೀಶ, ಸ್ಕಂದ, ಚೇತನ, ಶಿವಮಣಿ, ಲಿಖಿತ್ ಭಾಗವಹಿಸಿದ್ದರು. ಇದರಲ್ಲಿ ಚೇತನ, ನಿತೇಶ ಜನಾರ್ದನ ಪೂಜಾರಿ, ಪ್ರೀತಂ ವಿಭಾಗ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.

ಈ ವಿದ್ಯಾರ್ಥಿಗಳಿಗೆ ದೈಹಿಕ ಶಿಕ್ಷಣ ಶಿಕ್ಷಕ ವೀರೇಂದ್ರ ಜೋಗಿ ತರಬೇತಿ ನೀಡಿದ್ದಾರೆ. ತಂಡದ ವ್ಯವಸ್ಥಾಪಕರಾಗಿ ದಿನಕರ ದೇವಾಡಿಗ, ನಾಗರತ್ನ ಹೇರ್ಳೆ ಸಹಕರಿಸಿದ್ದಾರೆ.

ಶಾಲಾ ಮುಖ್ಯೋಪಾಧ್ಯಾಯರಾದ ಶಶಿಧರ ಶೆಟ್ಟಿ, ಎಸ್.ಡಿ.ಎಂ.ಸಿ ಅಧ್ಯಕ್ಷ ದತ್ತಾತ್ರೇಯ ಭಟ್, ಶಾಲೆಯನ್ನು ದತ್ತು ಸ್ವೀಕರಿಸಿರುವ ಮಾರಣಕಟ್ಟೆ ಕೃಷ್ಣಮೂರ್ತಿ ಮಂಜರು ವಿಜೇತ ವಿದ್ಯಾರ್ಥಿಗಳನ್ನು ಅಭಿನಂದಿಸಿದರು. ಆಲೂರಿನಲ್ಲಿ ಭವ್ಯ ಮೆರವಣಿಗೆ ಮೂಲಕ ವಿಜೇತ ವಿದ್ಯಾರ್ಥಿಗಳನ್ನು ಸ್ವಾಗತಿಸಲಾಯಿತು.

ಈ ಶಾಲೆ ಶಿಕ್ಷಣದ ಜೊತೆಗೆ ಕ್ರೀಡೆಗೂ ಹೆಚ್ಚಿನ ಒತ್ತನ್ನು ನೀಡುತ್ತಿದೆ. ತೀರಾ ಗ್ರಾಮೀಣ ಭಾಗದ ವಿದ್ಯಾರ್ಥಿಗಳೇ ಇಲ್ಲಿ ವ್ಯಾಸಂಗ ಮಾಡುತ್ತಿದ್ದು, ವಿದ್ಯಾರ್ಥಿಗಳಿಗೆ ಉತ್ತಮ ತರಬೇತಿ ನೀಡಲಾಗುತ್ತದೆ. ವಿದ್ಯಾರ್ಥಿಗಳ ಸಂಖ್ಯೆಯೂ ಕೂಡಾ ವರ್ಷದಿಂದ ವರ್ಷಕ್ಕೆ ಹೆಚ್ಚಳವಾಗುತ್ತಿದೆ. ತ್ರೋಬಾಲ್ ನಲ್ಲಿ ವಿಶೇಷವಾದ ಸಾಧನೆ ಈ ಶಾಲೆಯ ವಿದ್ಯಾರ್ಥಿಗಳು ಮಾಡುತ್ತಿದ್ದು 5 ವರ್ಷಗಳಿಂದ ಇಲ್ಲಿನ ತ್ರೋಬಾಲ್ ತಂಡ ಜಿಲ್ಲಾ ಮಟ್ಟವನ್ನು ಪ್ರತಿನಿಧಿಸಿದೆ. ಜಿಲ್ಲಾ ಮಟ್ಟದಲ್ಲಿ 2 ಬಾರಿ ಚಾಂಪಿಯನ್‌ಶಿಫ್ ಈ ಶಾಲೆ ಪಡೆದಿರುವುದು ಉಲ್ಲೇಖನಾರ್ಹ.