ಮಹೇಶ ಹೈಕಾಡಿಯವರಿಗೆ ಮಿತ್ರಶ್ರೀ ಪ್ರಶಸ್ತಿ

ಕುಂದಾಪುರ: ಮಣಿಪಾಲದ ಪ್ರತಿಷ್ಠಿತ ಯಕ್ಷ ಕಲಾರಂಗ ಕಲಾ ಸಂಸ್ಥೆಯಾದ ಶ್ರೀಮಿತ್ರ ಯಕ್ಷಗಾನ ಮಂಡಳಿ ಮಣಿಪಾಲ. ಇದರ ಮೂವತ್ತೇಳನೆಯ ಸಾಲಿನ ಸಾಮಾಜಿಕ, ಧಾರ್ಮಿಕ, ಶಿಕ್ಷಣ, ಯಕ್ಷಗಾನ ರಂಗಗಳ ಸಾಧಕರಿಗೆ ನೀಡಲ್ಪಡುವ ದತ್ತಿನಿಧಿ ಪ್ರಶಸ್ತಿಯು ಮಹೇಶ ಹೈಕಾಡಿಯವರಿಗೆ ಸಂದಿದೆ.

ಶಿಕ್ಷಣ ಕ್ಷೇತ್ರದ ಸಾಧಕರಿಗೆ ನೀಡಲ್ಪಡುವ ಪ್ರಶಸ್ತಿಯಾದ ಖ್ಯಾತ ಚಿಂತಕ, ಕೂಡುಗೈ ದಾನಿ ಪರ್ಕಳ ಮಂಜುನಾಥ ಶೆಣೈ ಸ್ಮಾರಕ ದತ್ತಿನಿಧಿ ಪ್ರಶಸ್ತಿಯಾದ “ಮಿತ್ರಶ್ರೀ ಪ್ರಶಸ್ತಿ”ಗೆ ಹೆಬ್ರಿ ಪಾಂಡುರಂಗ ರಮಣ ನಾಯಕ ಅಮೃತ ಭಾರತಿ ವಿದ್ಯಾಲಯದ ಆಂಗ್ಲ ಮಾಧ್ಯಮ ಪ್ರೌಢ ಶಾಲಾ ವಿಭಾಗ ಹೆಬ್ರಿ.ಇಲ್ಲಿನ ಉಪಮುಖ್ಯ ಶಿಕ್ಷಕ, ಕನ್ನಡ ಸಹಶಿಕ್ಷಕ ಮಹೇಶ ಹೈಕಾಡಿ ಆಯ್ಕೆ ಆಗಿದ್ದಾರೆ.

ಉಡುಪಿ ಶ್ರೀ ಕೃಷ್ಣ ಮಠದ ರಾಜಾಂಗಣದಲ್ಲಿ ಪರ್ಯಾಯ ಕೃಷ್ಣಪುರ ಮಠದ ಜೂನ್ ತಿಂಗಳ 19ನೇ ಭಾನುವಾರ ಉಡುಪಿ ಕೃಷ್ಣಪುರ ಮಠದಲ್ಲಿ ಯಕ್ಷಕಲಾ ರಂಗ ಮಂಡಳಿಯ ವಾರ್ಷಿಕೋತ್ಸವ ಆಚರಣೆ ದಿನ ಪ್ರಶಸ್ತಿ ಪ್ರದಾನ ನಡೆಯಲಿದೆ.