ನಿವೃತ್ತ ಪ್ರಾಧ್ಯಾಪಕ ಕೇಶವ ಮಯ್ಯ ನಿಧನ

ಕುಂದಾಪುರ: ಭಂಡಾರ್ಕಾರ್ಸ್ ಕಾಲೇಜಿನ ನಿವೃತ್ತ ಸಸ್ಯಶಾಸ್ತ್ರ ಪ್ರಾಧ್ಯಾಪಕ ಮಂಕಿ ಗ್ರಾಮದ ಕೇಶವ ಮಯ್ಯ (80) ಏ.8ರಂದು ನಿಧನರಾದರು.

ಸಂಗೀತ ಪ್ರಿಯರೂ, ಯಕ್ಷಗಾನ ಪ್ರಿಯರೂ ಆಗಿದ್ದ ಮಯ್ಯ ಅವರು ನೂರಾರು ಸಂಖ್ಯೆಯಲ್ಲಿ ಶಾಸ್ತ್ರೀಯ ಸಂಗೀತ, ಯಕ್ಷಗಾನ ಭಾಗವತಿಕೆಯ ಧ್ವನಿ ಮುದ್ರಣ ಹೊಂದಿದ್ದಾರೆ.

ಇವರು ಪತ್ನಿ, ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ. ಕೇಶವ ಮಯ್ಯರ ಇಚ್ಛೆಯಂತೆ ಅವರ ಮೃತ ದೇಹ ಕೆ.ಎಂಸಿ.ಗೆ ದಾನ ಮಾಡಲಾಗಿದೆ.