ಕುಂದಾಪುರದಲ್ಲಿ ಸಂಭ್ರಮದ ಹೋಳಿ ಹಬ್ಬ ಸಂಪನ್ನ

ಕುಂದಾಪುರ: ಕೊಂಕಣ ಖಾರ್ವಿ ಸಮಾಜದವರ ಅತೀ ದೊಡ್ಡ ಹಬ್ಬವಾದ ಹೋಳಿ ಹಬ್ಬವನ್ನು ಕುಂದಾಪುರದಲ್ಲಿ ಸಂಭ್ರಮದಿಂದ ಆಚರಿಸಲಾಯಿತು. ಮಾ.19ರಂದು ಸಂಭ್ರಮದ ಹೋಳಿ ಮೆರವಣಿಗೆ ನಡೆಯಿತು.

ಕುಂದಾಪುರದಲ್ಲಿ ನಡೆಯುವ ಹೋಳಿ ಹಬ್ಬಕ್ಕೆ ವಿಶೇಷ ಮಹತ್ವವಿದ್ದು, ಸಾಂಪ್ರಾದಾಯಿಕ ಪದ್ದತಿಯಂತೆ, ಪರಂಪರಾನುಗತ ನಂಬಿಕೆಯಂತೆ ಕೊಂಕಣ ಖಾರ್ವಿ ಸಮಾಜದವರು ಈ ಹಬ್ಬವನ್ನು ಅದ್ದೂರಿಯಿಂದ ಆಚರಿಸುತ್ತಾರೆ. ಪ್ರತಿಯೊಬ್ಬರು ಹಬ್ಬದಲ್ಲಿ ಪಾಲ್ಗೊಳ್ಳುವ ಮೂಲಕ ಖಾರ್ವಿ ಸಮಾಜದ ದೊಡ್ಡ ಹಬ್ಬವನ್ನಾಗಿ ಹೋಳಿಕಾಮದಹನವನ್ನು ಆಚರಿಸಿ, ಸಂಭ್ರಮ ಪಡುವುದು ಇಲ್ಲಿಯ ವಿಶೇಷ. ಈ ವರ್ಷ ಹೋಳಿ ಸಂಭ್ರಮಕ್ಕೆ ಮತ್ತೆ ಹಿಂದಿನ ಮೆರುಗು ಬಂದಿತ್ತು.