ಚಿತ್ರ ಕಾವ್ಯ : ಒಲವು ಹೊಳೆವ ಬೆಳಕನ್ನು ರಮಿಸುವ ದೀಪಾವಳಿ !

ನನ್ನೊಳಗೆ ನೀನು ಸದಾ ಹುಟ್ಟುವ ಬೆಳಕು. ʼದೀಪಾವಳಿʼ ಎಂಬ ನಿರ್ದಿಷ್ಟತೆಯನ್ನು ನಾನು ಪೂರ್ತಿಯಾಗಿ ಒಪ್ಪಲ್ಲ !

ಹಣತೆಗಳು ನಿನ್ನ ಪ್ರೀತಿಯ ಅನುವಾದವಷ್ಟೇ !

ಒಲವೆಂದರೇ, ನಿನ್ನೊಳಗೆ ನೆಲೆನಿಲ್ಲಲು ಸದಾ ಬೆಳಗುವ ಹಣತೆ !

ನೀನು ಹಣತೆಯ ಬೆಳಕು ಹೀರಿದ ಒಲವು !

ಬೆಳಕು ದೀಪಾವಳಿಯ ಅಕ್ಕರೆಯ ಹೊಳಪು !

ಬೆಳಕು ನಿನ್ನ ಸಂಗಾತದ ಮೈತ್ರಿ !

ಒಲವನ್ನು ಆರಾಧಿಸುವ ನಸೀಬು ಬೆಳಕನ್ನು ಹಿಡಿದ ಹಣತೆಗಷ್ಟೇ ಇದೆ !

ಬೆಳಕಿನ ಮೋಹ, ಇರುಳಿನ ದಾಹ ಎರಡೂ ಇಷ್ಟಕಾಲದ ಸಂಪ್ರೀತಿ.

ಪ್ರೀತಿ ನಿನ್ನೆದೆ ಅಲಂಕರಿಸಿದ ಹೊತ್ತಿಗೆ ಹಣತೆ ಬೆಳಗಿದೆ !

ಒಲವು ಬೆಳಕಿನ ಮೋಹ !

ಬೆಳಕೆಂದರೇನು ? ತನುಮನ ತೆಳು ಸೆಳಕಿನಲ್ಲಿ ಬೇಯುವ ಹದ !

ಈ ಬೆಳಕಿನಲ್ಲಿ ಪ್ರಫುಲ್ಲ ಕಡಲಿನ ಮೊರೆತವಿದೆ ಕೇಳು !

ಚಿತ್ರಗಳು : ವಿಶ್ವನಾಥ್‌ ಮುನ್ನಾ (ಛಾಯಾ ಸ್ಟೂಡಿಯೋ, ಕುಂದಾಪುರ)
ಚಿತ್ರಕಾವ್ಯ ಬರಹ : ಶ್ರೀರಾಜ್‌ ವಕ್ವಾಡಿ
ಚಿತ್ರದಲ್ಲಿರುವ ರೂಪದರ್ಶಿಗಳು : ರಕ್ಷಿತಾ ಆಚಾರ್ಯ, ಕುಂದಾಪುರ ಮತ್ತು ಬ್ರಾಹ್ಮೀ ಬಳ್ಕೂರು